ឯកឧត្ដមគួច ចំរើន អភិបាលខេត្តព្រះសីហនុ និងជាប្រធានគណកម្មាធិការសាខាកាកបាទក្រហមកម្ពុជាខេត្តព្រះសីហនុ រួមនឹងលោកឧកញ៉ា ទៀ វិចិត្រ អនុប្រធានកិត្តិយសសាខាកាកបាទក្រហមខេត្ត នាំយកអំណោយរបស់សាខាកាកបាទក្រហមកម្ពុជាខេត្តព្រះសីហនុ ទៅឧបត្ថម្ភ ជូនប្រជាពលរដ្ឋដែលរងគ្រោះដោយខ្យល់ព្យុះរដូវបោកបក់ពីជើងភ្នំកំចាយ បូកគោ កាលពីសប្តាហ៍ទី១ខែធ្នូ២០១៩នេះ នៅតាមផ្លូវជាតិលេខ៣ចំនួន១១០៧ គ្រួសារ

នៅព្រឹកថ្ងៃទី១០ ខែធ្នូ ឆ្នាំ២០១៩ ឯកឧត្ដម គួច ចំរើន អភិបាលខេត្តព្រះសីហនុ និងជាប្រធានគណកម្មាធិការសាខាកាកបាទក្រហមកម្ពុជាខេត្តព្រះសីហនុ បានដឹកនាំមន្ត្រីនិងសមាជិក សមាជិការសាខាកាកបាទក្រហមខេត្ត ក្នុងនោះក៍មានវត្តមាន លោកឧកញ៉ា ទៀ វិចិត្រ អនុប្រធានកិត្តិយសសាខាកាកបាទក្រហមខេត្ត អញ្ជើញចូលរួមផងដែរ បាននាំយកអំណោយរបស់ សាខាកាកបាទក្រហមកម្ពុជាខេត្តព្រះសីហនុ ទៅឧបត្ថម្ភប្រជាពលរដ្ឋដែលរងគ្រោះដោយខ្យល់ព្យុះរដូវបោកបក់ពីជើងភ្នំកំចាយ បូកគោ កាលពីសប្តាហ៍ទី១ខែធ្នូ២០១៩នេះ នៅតាមផ្លូវជាតិលេខ៣ ចំនួន១១០៧ គ្រួសារ។