សមត្ថកិច្ចនិងក្រុមសង្គ្រោះ ចូលរួមពីកម្លាំងអូបរ័របស់លោកឧកញ៉ា ទៀ វិចិត្រ ផង បានចុះជួយជនរងគ្រោះ ដោយសារអគ្គិភយ័ឆេះទូកនេសាទមួយគ្រឿងកាលរសៀលថ្ងៃទី៩ ខែតុលា ឆ្នាំ២០១៩   នៅក្នុងសមុទ្រចំណុចមុខផែធំចន្លោះកោះពស់ ក្បែរកោះត្រងោលស្ថិតនៅ ភូមិ៣ សង្កាត់៣ ក្រុង/ខេត្តព្រះសីហនុ ។ សមត្ថកិច្ចប្រាប់ថា ទូកនេសាទ ដែលឆេះនេះ ពណ៌ខៀវ មានប្រវែងទទឹង២.៥ម៉ែត្រ បណ្តោយប្រវែង១២ម៉ែត្រ មានមនុស្សចំនួន៣នាក់នៅលើទូកនេសាទដែលឆេះនោះ ៖ ទី១.ឈ្មោះម៉ម ប៊ុនធឿនភេទប្រុស អាយុ២៩ឆ្នាំ មុខរបរនេសាទ រស់នៅភូមិព្រែកអំពិល ឃុំកោះតូច ខេត្តកំពត ជាម្ចាស់ទូក, ទី២.ឈ្មោះហៀក បឿនភេទប្រុស អាយុ២៩ឆ្នាំ មុខរបរនេសាទ (កូនដៃ) និងទី៣.ឈ្មោះស៊ុន ផាន់ណា ភេទប្រុស អាយុ៣២ឆ្នាំ មុខរបរនេសាទ (កូនដៃ) ។តាមម្ចាស់ទូក ថាមូលហេតុដែលបណ្តាលអោយឆេះទូកនេសាទខាងលើនេះ គឺបណ្តាលមកពីផ្ទុះកំប៉ុងហ្គាសដាំបាយ  ហើយសម្ភារៈនេសាទនៅលើទូកខូចខាតទាំងស្រុង ។ ក្រោយកើតហេតុ លោកឧកញ៉ា ទៀ វិចិត្រ បានបញ្ជូនអូបរ័ចំនួន២គ្រឿងសហការជាមួយសមត្ថកិច្ចចុះជួយអន្តរាគមន៍ទាន់ពេលវេលា និងបានដឹកជនរងគ្រោះមកកាន់មន្ទីរពេទ្យ ក្នុងនោះលោកឧកញ៉ា បានចេញថ្លៃព្យាបាលទាំងស្រុង និងឧបត្ថម្ភថវិកាបន្ថែម៤លានរៀលទៀត ផងដែរ។

សូមទស្សនាវីដេអូខាងក្រោម: