ថ្មីៗនេះ លោកឧកញ៉ា ទៀ វិចិត្រ បានទទួលសត្វសំពោជក្រអូបមួយក្បាល ពីប្រជាពលរដ្ឋ ដើម្បីថែរក្សារយកទៅចិញ្ចឹមនៅតំបន់ធម្មជាតិ។

តាមពលរដ្ឋជាម្ចាស់សត្វសំពោជក្រអូបមួយក្បាលនេះ បានប្រាប់ថាការដែលស្មគ្រ័ចិត្តនាំយកសត្វសំពោជក្រអូបនេះមកជូនលោកឧកញ៉ាដោយសារកន្លងមកឃើញសកម្មភាព លោកឧកញ៉ា ទៀ វិចិត្រ ស្រឡាញ់សត្វនិងលែងសត្វជាបន្តបន្ទាប់។

លោកឧកញ៉ា ទៀ វិចិត្រ មានប្រសាសន៍ថា លោកឧកញ៉ា នឹងព្យាយាមចិញ្ចឹមនឹងថែរក្សារសត្វសំពោជក្រអូបនេះអោយបានល្អបំផុតនឹងដាក់អោយសត្វសំពោជក្រអូបនេះ បានរស់នៅក្នុងតំបន់ធម្មជាតិរបស់លោកឧកញ៉ា ឆាប់ៗនេះ។ ក្រៅពីថ្លែងអំណរគុណដល់ពលរដ្ឋដែលនាំយកសត្វសំពោជក្រអូបនេះមកជូន លោកឧកញ៉ា ទៀ វិចិត្រ ចិញ្ចឹមនឹងថែរក្សា លោកឧកញ៉ាក៍បានអំពាវនាវអោយពលរដ្ឋគ្រប់សហគមន៍ចូលរួមជួយថែរក្សាការពារសត្វព្រៃឬសត្វកម្រគ្រប់ប្រភេទតាមរយៈកុំប្រមាញ់កុំសម្លាប់និងថាការព្រលែងសត្វអោយរស់រានមានជីវិតវិញក្រៅពីទទួលបាននូវបុណ្យកុសលក៍បានរួមចំណែកជាមួយសង្គមជាតិក្នុងការថែរក្សាសត្វនិងបរិស្ថានធម្មជាតិផងដែរ។ សូមទស្សនាវីដេអូខាងក្រោម: