នៅព្រឹកថ្ងៃទី២៥ ខែវិច្ឆិកា ឆ្នាំ២០២០ ក្រោយពីទទួលដំណឹងថាមាន គ្រូបង្រៀនម្នាក់ ឈ្មោះ ងែត រ៉ុង ភេទប្រុស អាយុ 35ឆ្នាំ ជាគ្រូបង្រៀននៅសាលាបឋមព្រែកស្វាយ ក្នុងសង្កាត់កោះរ៉ុង ក្រុងកោះរ៉ុង ខេត្តព្រះសីហនុ មានជំងឺលើសឈាម ដួលប្រកាច់ ត្រូវការសង្គ្រោះបន្ទាន់នោះ លោកឧកញ៉ា ទៀ វិចិត្រ បានបញ្ជូនអូប័រល្បឿនលឿនមួយគ្រឿង ទៅទទួលយកគ្រូបង្រៀនរូបនោះ ដឹកយកមកមន្ទីរពេទ្យបង្អែកខេត្តព្រះសីហនុភ្លាមៗដែរ។ បច្ចុប្បន្ន គ្រូបង្រៀនរូបនោះបានដឹកមកដល់មន្ទីរពេទ្យបង្អែកខេត្ត ដោយសុវត្ថិភាពហើយ៕ សូមទស្សនាវីដេអូខាងក្រោម:
លោកឧកញ៉ា ទៀ វិចិត្រ នាំយកសត្វព្រៃកំរ៤ក្បាល មានសត្វង្រូល សត្វអាញីភ្លើង និង សត្វសំពោជក្រអូប ដែលប្រជាពលរដ្ឋប្រគល់ជូន ទៅព្រលែងនៅព្រៃធម្មជាតិ
លោកឧកញ៉ា ទៀ វិចិត្រ បាននាំយកសត្វពង្រូល ចំនួន ១ក្បាល សត្វអាញីភ្លើងចំនួន១ក្បាល និង សត្វសំពោជក្រអូបចំនួន២ក្បាល ទៅព្រលែងនៅព្រៃធម្មជាតិដើម្បីអោយសត្វនេះបានរស់រានមានជីវិតឡើងវិញ។ លោកឧកញ៉ាទៀ វិចិត្រ មានប្រសាសន៍ថាសត្វព្រៃកំរទាំង៤នេះ ត្រូវបានប្រជាពលរដ្ឋផ្សេងគ្នា នាំយកមកប្រគល់ជូនលោកឧកញ៉ាដើម្បីព្រលែងចូលទៅក្នុងព្រៃធម្មជាតិវិញ ក្នុងនោះតាមពលរដ្ឋប្រាប់ដែរថាការដែលនាំយកសត្វទាំងនេះមកជូនលោកឧកញ៉ាដោយសារកន្លងមកឃើញសកម្មភាព លោកឧកញ៉ាទៀ វិចិត្រ ស្រឡាញ់សត្វនិងលែងសត្វជាបន្តបន្ទាប់។ ក្រៅពីថ្លែងអំណរគុណដល់ពលរដ្ឋ ដែលនាំយកទាំងនេះមកអោយព្រលែងវិញ លោកឧកញ៉ាទៀ វិចិត្រ ក៍បានអំពាវនាវអោយពលរដ្ឋគ្រប់សហគមន៍ចូលរួមជួយថែរក្សាការពារសត្វព្រៃឬសត្វកម្រគ្រប់ប្រភេទតាមរយៈកុំប្រមាញ់កុំសម្លាប់និងថាការព្រលែងសត្វអោយរស់រានមានជីវិតវិញក្រៅពីទទួលបាននូវបុណ្យកុសលក៍បានរួមចំណែកជាមួយសង្គមជាតិក្នុងការថែរក្សាសត្វនិងបរិស្ថានធម្មជាតិផងដែរ។ សូមទស្សនាវីដេអូខាងក្រោម:
លោកឧកញ៉ា ទៀ វិចិត្រ នាំយកសត្វឈ្លូសដែលប្រជាពលរដ្ឋប្រគល់ជូន មកចិញ្ចឹមថែរក្សារនិងបានព្យាបាលរបួសរហូតបានជាសះស្បើយ
លោកឧកញ៉ា ទៀ វិចិត្រ បាននាំយកសត្វឈ្លូស មកចិញ្ចឹមថែក្សារ តាមសំណូមពររបស់ប្រជាពលរដ្ឋដែលបានចេញអូប័រទៅជួយសង្គ្រោះនៅសមុទ្រ ក្រោយសត្វឈ្លូសនេះរត់ចូលទៅក្នុងសមុទ្រ ក្រោយចាប់បាន ប្រជាពលរដ្ឋបានប្រគល់ជូន លោកឧកញ៉ា ទៀ វិចិត្រ ដើម្បីអោយសត្វនេះបានរស់រានមានជីវិតនិងបានព្យាបាលរបួសអោយបានជាសះស្បើយ។ លោកឧកញ៉ា ទៀ វិចិត្រ មានប្រសាសន៍ថាសត្វឈ្លូសនេះប្រជាពលរដ្ឋស្មគ្រ័ចិត្តនាំយកមកប្រគល់ជូនលោកឧកញ៉ាដើម្បីចិញ្ចឹម ព្យាលបាលរបួស ក្នុងនោះតាមពលរដ្ឋប្រាប់ដែរថាការដែលនាំយកសត្វទាំងនេះមកជូនលោកឧកញ៉ាដោយសារចង់អោយសត្វឈ្លូសនេះមានបានព្យាបាលរបួសអោយបានជាសះស្បើយឡើងវិញ នឹងចង់ឃើញសត្វឈ្លូសមួយក្បាលនេះមានការរស់រានមានជីវិតបន្តទៀត។ រយះពេលជិតមួយឆ្នាំ លោកឧកញ៉ា ទៀ វិចិត្រ បានព្យាបាលរបួសសត្វឈ្លូសនេះបានជាសះស្បើយ និង មានសុខភាពល្អឡើងវិញ។ ក្រៅពីថ្លែងអំណរគុណដល់ពលរដ្ឋដែលនាំយកសត្វឈ្លូសនេះមកប្រគល់ជូនអោយ លោកឧកញ៉ា ទៀ វិចិត្រ ដើម្បីមើលថែរក្សារលោកឧកញ៉ាក៍បានអំពាវនាវអោយពលរដ្ឋគ្រប់សហគមន៍ចូលរួមជួយថែរក្សាការពារសត្វព្រៃឬសត្វកម្រគ្រប់ប្រភេទផងដែរ៕ សូមទស្សនាវីដេអូខាងក្រោម:
លោកឧកញ៉ា ទៀ វិចិត្រ នាំយកសត្វអណ្តើកធំមួយក្បាល និង កូនៗអណ្តើកចំនួន៣ក្បាល ដែលស្ត្រីជនជាតិរុស្សីម្នាក់ប្រគល់ជូន ទៅព្រលែងនៅតំបន់ធម្មជាតិ ម៉ាហ្វីយ៉ា រីស៊ត ឆ្នេរឋានសួគ៏
លោកឧកញ៉ា ទៀ វិចិត្រ បាននាំយកសត្វអណ្តើកធំមួយក្បាល និង កូនៗអណ្តើកចំនួន៣ក្បាលទៀត ទៅព្រលែងនៅតំបន់ធម្មជាតិម៉ាហ្វីយ៉ា រីស៊ត ឆ្នេរឋានសួគ៏ កោះរ៉ុង ដើម្បីអោយសត្វនេះបានបន្តរស់រានមានជីវិតបែបលក្ខណះធម្មជាតិ។ លោកឧកញ៉ា ទៀ វិចិត្រ មានប្រសាសន៍ថាសត្វអណ្តើកធំមួយក្បាល និង កូនៗអណ្តើកចំនួន៣ក្បាលនេះ មានស្ត្រីជនជាតិរុស្សីម្នាក់ស្មគ្រ័ចិត្តនាំយកមកប្រគល់ជូនលោកឧកញ៉ាដើម្បីព្រលែងអោយរស់នៅបន្តបែបធម្មជាតិនៅ ម៉ាហ្វីយ៉ា រីស៊ត ឆ្នេរឋានសួគ៏រួចហើយស្រ្តីជនជាតិរុស្សីរូបនេះនឹងត្រលប់ទៅរស់នៅប្រទេសរបស់ខ្លួនវិញ ក្នុងនោះស្រ្តីជនជាតិរុស្សីក៏បានប្រាប់ដែរថាការដែលនាំយកសត្វទាំងនេះមកជូនលោកឧកញ៉ាដោយសារកន្លងមកឃើញសកម្មភាព លោកឧកញ៉ា ទៀ វិចិត្រ ស្រឡាញ់សត្វនិងលែងសត្វជាបន្តបន្ទាប់។ ក្រៅពីថ្លែងអំណរគុណដល់១ស្ត្រីជនជាតិរុស្សីដែលនាំយកសត្វទាំងអស់នេះមកអោយព្រលែងវិញ លោកឧកញ៉ា ទៀ វិចិត្រ ក៍បានអំពាវនាវអោយពលរដ្ឋគ្រប់សហគមន៍ចូលរួមជួយថែរក្សាការពារសត្វព្រៃឬសត្វកម្រគ្រប់ប្រភេទតាមរយៈកុំប្រមាញ់កុំសម្លាប់និងថាការព្រលែងសត្វអោយរស់រានមានជីវិតវិញក្រៅពីទទួលបាននូវបុណ្យកុសលក៍បានរួមចំណែកជាមួយសង្គមជាតិក្នុងការថែរក្សាសត្វនិងបរិស្ថានធម្មជាតិផងដែរ។សូមទស្សនាវីដេអូខាងក្រោម:
លោកឧកញ៉ា ទៀ វិចិត្រ ចុះចែកអំណោយ ដល់ពលរដ្ឋ រងគ្រោះដោយ ជំនន់ទឹកភ្លៀង នៅខេត្តពោធិ៍សាត់ ខេត្តបាត់ដំបង និង ខេត្តបន្ទាយមានជ័យ
លោកឧកញ៉ា ទៀ វិចិត្រ បាននាំយកគ្រឿងឧបភោគ បរិភោគ និង ថវិកា ទៅជូនលោតា លោកយាយ អ៊ុំ ពូ មីង ជាគ្រួសារក្រីក្រដែលរងគ្រោះដោយសារទឹកជំនន់ ស្ថិតនៅ ខេត្តពោធិ៍សាត់ ខេត្តបាត់ដំបង និង ខេត្តបន្ទាយមានជ័យ៕ សូមទស្សនាវីដេអូខាងក្រោម៖
លោកឧកញ៉ា ទៀ វិចិត្រ បានសាងសង់ផ្ទះថ្មីមួយខ្នង ជូនស្រ្តីមេម៉ាយក្រីក្រមួយគ្រួសារមានកូន២នាក់ ក្រោយផ្ទះចាស់របស់គាត់រងគ្រោះដោយសារដើមដូងរលំសង្កត់ពីលើបណ្តាលអោយរងការខូចខាតទាំងស្រុង
លោកឧកញ៉ាទៀ វិចិត្រ បានសាងសង់ផ្ទះថ្មីមួយខ្នង ជូនស្រ្តីមេម៉ាយក្រីក្រមួយគ្រួសារមានកូន២នាក់ ក្រោយផ្ទះចាស់របស់គាត់រងគ្រោះដោយសារដើមដូងរលំសង្កត់ពីលើបណ្តាលអោយរងការខូចខាតទាំងស្រុង នៅភូមិអុង ឃុំរាម ស្រុកព្រៃនប់ ខេត្តព្រះសីហនុ ។ ក្នុងពេល អញ្ជើញចុះសួរសុខទុក្ខនិងប្រគល់ផ្ទះថ្មីជូនគ្រួសារស្ត្រី មេម៉ាយរូបនេះ នៅថ្ងៃ២០តុលា២០២០ លោកឧកញ៉ា ក៏បាននាំយកអំណោយជាម្ហូមអាហារនិងថវិកាមួយចំនួនមកឧបត្ថម្ភបន្ថែមផងដែរ៕ សូមទស្សនាវីដេអូខាងក្រោម៖
ពលរដ្ឋ១៨គ្រួសារនៅភូមិកោះអណ្តែត ដែលជាភូមិស្ថានដាច់ស្រយាលមួយក្នុងខេត្តកោះកុង ទទួលបានជំនួយពីកាកបាទក្រហមកម្ពុជា
ក្នុងនាមក្រុមការងារកាកបាទក្រហមកម្ពុជា លោកឧកញ៉ាទៀ វិចិត្រ អនុប្រធានកិត្តិយសគណៈកម្មាធិការសាខាកាកបាទក្រហមកម្ពុជាខេត្តព្រះសីហនុ បាននាំយកជំនួយមនុស្សធម៍មានម្ហូប អាហារ គ្រឿងឧបភោគបរិភោគ សម្ភារៈប្រើប្រាស់ ដូចជាភួយនិងថវិកាមួយចំនួន ទៅឧបត្ថម្ភជូនបងប្អូនប្រជាពលរដ្ឋចំនួន១៨គ្រួសារ ដែលរស់នៅក្នុង ក្រុមព្រែកពពេល ភូមិកោះអណ្ដែត ឃុំតាតៃក្រោមស្រុកកោះកុង ខេត្តកោះកុងដែលជាភូមិដាច់ស្រយាលមួយ ឆ្ងាយពីទីប្រជុំជនក្នុងខេត្តកោះកុង។ លោកឧកញ៉ាទៀ វិចិត្រ មានប្រសាសន៍ថា ជំនួយនេះជាជំនួយផ្នែកមនុស្សធម៍របស់កាកបាទក្រហមកម្ពុជាដែលមាន សម្តេចកិត្តិព្រឹទ្ធបណ្ឌិតប៊ុន រ៉ានីហ៊ុនសែន ជាប្រធាន សម្រាប់ជូនពលរដ្ឋដែលជួបការលំបាក និងដោយពិនិត្យឃើញថាពលរដ្ឋទាំង១៨គ្រួសារនេះរស់នៅឆ្ងាយពីទីប្រជុំជន ពិបាកទាំងផ្លូវធ្វើដំណើរឡើង ចុះទៅកាន់ទីផ្សារផងនោះ ទើបនាំយកជំនួយនេះមកផ្តល់ជូន ផ្គត់ផ្គង់ជូនបងប្អូនប្រជាពលរដ្ឋត្រៀមបម្រុងក្នុងរដូវភ្លៀងធ្លាក់មកផងដែរ៕ សូមទស្សនាវីដេអូខាងក្រោម:
លោកឧកញ៉ាទៀ វិចិត្រ ប្រធានក្រុមកង់មនុស្សធម៌ ខេត្តព្រះសីហនុ ដឹកនាំកម្មវីធីជិះកង់មនុស្សធម៌ប្រមូលថវិកា ឧបត្ថម្ភដល់មន្ទីរពេទ្យកុមារអង្គរ ខេត្តសៀមរាប
លោកឧកញ៉ា ទៀ វិចិត្រ ក្នុងនាមប្រធានក្រុមកង់មនុស្សធម៌ ខេត្តព្រះសីហនុ បានរៀបចំកម្មវីធីជិះកង់មនុស្សធម៌ប្រមូលថវិកាបានចំនួន29 915$ យកទៅឧបត្ថម្ភមន្ទីរពេទ្យកុមារអង្គរ ខេត្តសៀមរាប។ លោកឧកញ៉ា ទៀ វិចិត្រ មានប្រសាសន៍ថាកម្មវិធីជិះកង់មនុស្សធម៌នេះធ្វើឡើងក្រោមពាក្យស្លោក សៀមរាបផ្ទះខ្ញុំ នៅក្នុងខេត្តសៀមរាប កាលពីព្រឹកថ្ងៃទី១១ ខែតុលាឆ្នាំ២០២០នេះ ក្នុងបំណងជួយដល់មន្ទីរពេទ្យកុមារអង្គរ ក្នុងក្រុងសៀមរាប ខេត្តសៀមរាប ដើម្បីខាងមន្ទីរពេទ្យប្រើប្រាស់ប្រតិបត្តិការផ្នែកមនុស្សធម៌ ពិនិត្យ ថែទាំសុខភាព និងព្យាបាលជំងឺ ជូនកុមារកម្ពុជានៅទូទាំងប្រទេសដោយមិនគិតថ្លៃ។ មានប្រសាសន៍ក្នុងឱកាសប្រគល់ជូនថវិកាជូនមន្ទីរពេទ្យកុមារអង្គរ ឯកឧត្តម ទៀ សីហា អភិបាលខេត្តខេត្តសៀមរាប និងជាប្រធានគណៈកម្មាធិការសាខាកាកបាទក្រហមកម្ពុជាខេត្ត បានថ្លែងអំណរគុណដល់ ឯកឧត្តម ទៀ សុខា លោកឧកញ៉ា ទៀ វិចិត្រ រួមនិងសប្បុរសជនទាំងអស់ ដែលបានខិតខំរៃអង្គាសថវិកាពីការជិះកង់មនុស្សធម៍នេះ ជាបន្តបន្ទាប់កន្លងមក។…
លោកឧកញ៉ា ទៀ វិចិត្រ បានជួបក្មេងប្រុសស្រី២នាក់បងប្អូនដើរលក់បន្លែរ ក៏បានជួយទិញ ថែមទាំងបានអោយថវិកាខ្លះបន្ថែមផង សំរាប់ទុកជូនគ្រួសារដោះស្រាយជីវភាពប្រចាំថ្ងៃ
លោកឧកញ៉ា ទៀ វិចិត្រ បានបានជួបក្មេងប្រុសស្រី២នាក់បងប្អូនដើរលក់បន្លែរ ដើម្បីរកប្រាក់ជួយជីវភាពគ្រួសារ លោកឧញ៉ាក៏បានជួយទិញនឹងបានអោយលុយបន្ថែមពីលើទៀតសំរាប់ទុកជូនគ្រួសារដោះស្រាយជីវភាពប្រចាំថ្ងៃផងដែរ។ ក្នុងវីដេអូនេះលោកឧកញ៉ា ក៏បានសរសេររៀបរាប់ថា៖ “ចូរធ្វើជាភ្លើងបំភ្លឺ កុំធ្វើជាភ្លើងបំផ្លាញ មិនថាចំពោះខ្លួនឯង ឬចំពោះអ្នកដទៃនោះទេ…៚ ទៀ វិចិត្រ”៕ សូមទស្សនាវីដេអូខាងក្រោម:
លោកឧកញ៉ា ទៀ វិចិត្រ បានចុះជួយទិញដើមព្រលិតលោកយាយម្នាក់ដែលកំពុងដើរលក់នៅតាមផ្លូវ
លោកឧកញ៉ា ទៀ វិចិត្រ តែងតែបង្ហាញនូវសកម្មភាពក៏ដូចជាអំពើរល្អតាមរយៈការជួយទិញផលិតផល និង សម្ភារៈនានាដែលបងប្អូនប្រជាពលរដ្ឋយើងនៅតាមទីជនបទលក់នៅតាមដងផ្លូវនានា មិនតែប៉ុណ្ណោះលោក ឧកញ៉ា តែងតែជូនថវិការបន្ថែមដើម្បីជួយសម្រួលជីវភាពគ្រួសារបស់ពួកគាត់ទៀតផង។ យ៉ាងណាមិញសម្រាប់ពេលនេះលោកឧកញ៉ា ទៀ វិចិត្រ បានជួយទិញដើមព្រលិត លោកយាយម្នាក់ ទាំងអស់តែងម្តង ហើយលោកឧកញ៉ាក៏បានឧបត្ថម្ភថវិការខ្លះបន្ថែម ជូន លោកយាយ សំរាប់យកទៅធ្វើបុណ្យថែមទៀតផង។ ទន្ទឹមនឹងនេះ លោកឧកញ៉ាក៏បានធ្វើការបង្ហោះសារតាមរយៈហ្វេសប៊ុកផេកផ្លូវការផ្ទាល់ខ្លួនដោយសរសេរលើកឡើងថា៖ «ម៉ែពូកែកុហកកូនណាស់ ! – ម៉ែប្រាប់កូនថា មិនឃ្លានទេ ព្រោះម៉ែខ្លាចកូនញុំាមិនឆ្អែត – ម៉ែប្រាប់កូនថា ម៉ែស្លៀកខោអាវចាស់ៗបានហើយ ព្រោះម៉ែខ្លាចកូនគ្មានខោអាវថ្មីខ្មាស់គេ – ម៉ែប្រាប់កូនថា ម៉ែមិនហត់ទេ ព្រោះម៉ែខ្លាចកូនបារម្ភ…!…