សត្វក្រាស់ឬអណ្តើកសមុទ្រទម្ងន់ធ្ងន់មួយក្បាលទៀតត្រូវបាន លោកឧកញ៉ា ទៀ វិចិត្រ នាំយកទៅព្រលែងក្នុងសមុទ្រធម្មជាតិវិញកាលពី ព្រឹកថ្ងៃទី០៥ ខែតុលា ឆ្នាំ២០១៩។លោកឧកញ៉ាបញ្ជាក់ថានេះជាការព្រលែងសត្វក្រាស់ឬអណ្តើកសមុទ្រលើកទី១០៧ នឹងមានទម្ងន់៥០គីឡូក្រាម។ជាមួយគ្នានេះ លោកឧកញ៉ា ទៀ វិចិត្រ ក៏បានថ្លែងអំណរគុណដល់បងប្អូនអ្នកនេសាទសមុទ្រមួយចំនួនដែលសហការផ្តល់សត្វក្រាស់ឬអណ្តើកសមុទ្រនេះក្រោយនេសាទបានដើម្បីយកទៅព្រលែងវិញនិងបានអំពាវនាវអោយគ្រប់សហគមន៌ប្រជាពលរដ្ឋពិសេសអ្នកនេសាទសមុទ្រជួយការពារអភិរក្ស័សត្វក្រាស់ឬអណ្តើកសមុទ្រដោយកុំសម្លាប់យកធ្វើជាអាហារឬយកទៅធ្វើអាជីវកម្មណាមួយឡើយ៕ សូមទស្សនាវីដេអូខាងក្រោម:
លោកឧកញ៉ា ទៀ វិចិត្រ បាននាំយកម៉ូតូសេរីថ្មីមួយគ្រឿងនិងថវិកាចំនួន៤លានរៀល ទៅឧបត្ថមដល់ប្អូនស្រីសិស្សពូកែមួយរូបដែលខំប្រឹងរៀនសូត្រប្រឡងបាក់ឌុបឆ្នាំ២០១៩ ជាប់បាននិទ្ទេសA តែម្នាក់គត់ ក្នុងចំណោមសិស្ស 2051 នាក់ រស់នៅក្នុងគ្រួសារក្រីក្រ មានម្តាយជាស្ត្រីមេម៉ាយ ប្រកបមុខរបរ ដើររកអេតចាយលក់ នៅខេត្តតាកែវ
ដើម្បីលើកទឹកចិត្តនិងជួយដល់សិស្សក្រីក្រមួយរូបកាលពីថ្ងៃ៣០ កញ្ញា ២០១៩ លោកឧកញ៉ា ទៀ វិចិត្រ បាននាំយកម៉ូតូសេរីថ្មីមួយគ្រឿងនិងថវិកាចំនួន៤លានរៀលបន្ថែមទៀតទៅឧបត្ថមដល់ប្អូនស្រីសិស្សពូកែមួយរូបដែលខំប្រឹងរៀនសូត្រប្រឡងបាក់ឌុបឆ្នាំ២០១៩នេះ ជាប់បាននិទ្ទេសA តែម្នាក់គត់ក្នុងចំណោមសិស្ស2051 នាក់រស់នៅក្នុងគ្រួសារក្រីក្រមានម្តាយជាស្ត្រីមេម៉ាយ បច្ចុប្បន្នប្រកបមុខរបរដើររកអេតចាយលក់នៅ ភូមិដើមបេង ឃុំគិរីចុងកោះ ស្រុកគិរីវង់ ខេត្តតាកែវ។ ប្អូនស្រីសិស្សពូកែរូបនេះឈ្មោះ ស៊ាង វ៉ាន់ថង សិស្សវិទ្យាល័យ សុខអាន ទន្លាប់ ស្រុកគីរីវង់ ខេត្តតាកែវ ហើយជំនួយនេះត្រូវបាន លោកឧកញ៉ា ទៀ វិចិត្រ នាំយកទៅប្រគល់ផ្ទាល់ដល់ផ្ទះក្នុង ភូមិដើមបេង ឃុំគិរីចុងកោះ ស្រុកគិរីវង់ ខេត្តតាកែវ។លោកឧកញ៉ា ទៀ វិចិត្រ មានប្រសាសន៍ថាជំនួយនេះផ្តល់ជូនជាការលើកទឹកចិត្តចំពោះការខិតខំរៀនសូត្ររបស់ប្អូនស្រីនិងជួយដល់ជីវភាពរស់នៅរបស់គ្រួសារក្មួយស្រីដែលកំព្រាឪពុករស់នៅជាមួយម្តាយមេម៉ាយក្រីក្រតស៊ូចិញ្ចឹមកូនអោយរៀនសូត្រទាំងជីវភាពលំបាក។ ទាំងក្រុមគ្រួសារនិងទាំងក្មេងស្រីរូបនេះបានគោរពថ្លែងអំណរគុណរកអ្វីប្រៀបផ្ទឹមពុំបានចំពោះអំពើសប្បុរសធម៍របស់ លោកឧកញ៉ា ទៀ វិចិត្រ និងគ្រួសាររបស់លោកឧកញ៉ាដែលបានជួយឧបត្ថម្ភម៉ូតូថ្មីមួយគ្រឿងនិងបន្ថែមប្រាក់៤លានរៀលទៀតនិងបានគោរពជូនពរលោកឧកញ៉ាព្រមទាំងគ្រួសារប្រកបដោយពុទ្ធពរ៥ប្រការ៕ សូមទស្សនាវីដេអូខាងក្រោម:
លោកឧកញ៉ា ទៀ វិចិត្រ បង្ហាញសកម្មភាពចុះទៅក្នុងសមុទ្រដើម្បីទៅរកប៉ាវហឺដែលរស់នៅក្នុងសមុទ្រ នៃប្រទេសកម្ពុជា
លោកឧកញ៉ា ទៀ វិចិត្រ បានសរសេរបង្ហោះសារតាមរយៈហ្វេសប៊ុកផេកផ្លូវការផ្ទាល់ខ្លួនរួមជាមួយនឹងវីដេអូមួយបង្ហាញអំពីសកម្មភាពចុះទៅក្នុងសមុទ្រដើម្បីទៅរកប៉ាវហឺ ដែលរស់នៅក្នុងសមុទ្រនៃប្រទេសកម្ពុជានឹងបានយកមកធ្វើម្អូបដោយផ្ទាល់ដៃទៀតផង លោកឧកញ៉ាបានសរសេរលើកឡើងថា៖«តោះបងៗ ចុះសមុទ្រទៅរកប៉ាវហឺជាមួយខ្ញុំ បាទ😋💦💦» សូមទស្សនាវីដេអូខាងក្រោម:
លោកឧកញ៉ា ទៀ វិចិត្រ នាំយកសត្វខ្លាត្រីនឹងសត្វពង្រូល ដែលប្រជាពលរដ្ឋប្រគល់ជូន ទៅព្រលែងនៅព្រៃធម្មជាតិ
ជាថ្មីម្តងទៀតស្របពេលដែលពុទ្ធបរិទស័ប្រារព្ធពិធីបុណ្យភ្ជុំបិណ្ឌ លោកឧកញ៉ា ទៀ វិចិត្រ បាននាំយកសត្វខ្លាត្រីនិងសត្វពង្រូលទៅព្រលែងនៅព្រៃនិងព្រែកធម្មជាតិដើម្បីអោយសត្វទាំងពីរនេះបានរស់រានមានជីវិតឡើងវិញ។ លោកឧកញ៉ា ទៀ វិចិត្រ មានប្រសាសន៍ថាសត្វខ្លាត្រីនិងសត្វពង្រូលនេះប្រជាពលរដ្ឋចាប់បានរួចបាននាំយកមកប្រគល់ជូនលោកឧកញ៉ាដើម្បីព្រលែងចូលទៅក្នុងព្រៃនិងព្រែកធម្មជាតិវិញក្នុងនោះតាមពលរដ្ឋប្រាប់ដែរថាការដែលនាំយកសត្វទាំងពីរមកជូនលោកឧកញ្ញាដោយសារកន្លងមកឃើញសកម្មភាព លោកឧកញ៉ា ទៀ វិចិត្រ ស្រឡាញ់សត្វនិងលែងសត្វជាបន្តបន្ទាប់។ក្រៅពីថ្លែងអំណរគុណដល់ពលរដ្ឋដែលនាំយកសត្វទាំង២នេះមកអោយព្រលែងវិញ លោកឧកញ៉ា ទៀ វិចិត្រ ក៍បានអំពាវនាវអោយពលរដ្ឋគ្រប់សហគមន៍ចូលរួមជួយថែរក្សាការពារសត្វព្រៃឬសត្វកម្រគ្រប់ប្រភេទតាមរយៈកុំប្រមាញ់កុំសម្លាប់និងថាការព្រលែងសត្វអោយរស់រានមានជីវិតវិញក្រៅពីទទួលបាននូវបុណ្យកុសលក៍បានរួមចំណែកជាមួយសង្គមជាតិក្នុងការថែរក្សាសត្វនិងបរិស្ថានធម្មជាតិផងដែរ។ សូមទស្សនាវីដេអូខាងក្រោម:
លោកឧកញ៉ា ទៀ វិចិត្រ «គ្រាន់តែដល់ផ្ទះភ្លាម ស្កាត់មកជួបមុខភ្លែត ព្រោះខានជួបមុខគ្នាយូរហើយ…នឹកណាស់សំណព្វចិត្ត….🦌»
លោកឧកញ៉ា ទៀ វិចិត្រ បានសរសេរបង្ហោះសារតាមរយៈហ្វេសប៊ុកផេកផ្លូវការផ្ទាល់ខ្លួនរួមជាមួយនឹងវីដេអូមួយបង្ហាញអំពីសកម្មភាពស្និតស្នាលស្រឡាញ់ដល់សត្វឈ្លូស លោកឧកញ៉ាបានសរសេរលើកឡើងថា៖«គ្រាន់តែដល់ផ្ទះភ្លាមស្កាត់មកជួបមុខភ្លែតព្រោះខានជួបមុខគ្នាយូរហើយ…នឹកណាស់សំណព្វចិត្ត….🦌» សូមទស្សនាវីដេអូខាងក្រោម:
លោកឧកញ៉ា ទៀ វិចិត្រ ចុះសួរសុខទុក្ខនិងឧបត្ថម្ភអំណោយ ដល់កងទ័ពជើងទឹកឈរជើងនៅកងអនុសេនាធំលេខ២ ខេត្តកំពង់ឆ្នាំង
លោកឧកញ៉ា ទៀ វិចិត្រ បានអញ្ជើញចុះសួរសុខទុក្ខកងទ័ពជើងទឹកកងអនុសេនាធំលេខ២ដែលកំពុងឈរជើងនៅខេត្តកំពង់ឆ្នាំងព្រមទាំងបាននាំយកនូវម្ហូបអាហារចម្រុះច្រើនមុខនិងថវិកាទៅឧបត្ថម្ភជូនផងដែរ។លោកឧកញ៉ា ទៀ វិចិត្រ មានប្រសាសន៍ថាការផ្តល់ម្ហូបអាហារនិងថវិកាជូនកងទព័ជើងទឹកកងអនុសេនាធំលេខ២ដែលឈរជើងនៅខេត្តកំពង់ឆ្នាំងពេលនេះជាការរួមចំណែកលើកទឹកចិត្តនិងជូនពរដល់កងទព័ដែលជាប់ភារកិច្ចពុំបានឈប់សម្រាកក្នុងពិធីបុណ្យភ្ជុំបិណ្ឌក្នុងនោះលោកឧកញ៉ាបានជូនពរដល់នាយនាវីនាយនាវីរងនិងពលនាវិកកងទព័ជើងទឹកទាំងអស់អោយជួបតែតែសេចក្តីសុខចម្រើននិងទទួលបានជោគជយ័គ្រប់ភារកិច្ច។ក្រោយទទួលបានជំនួយឧបត្ថម្ភជាម្ហូបអាហារនិងថវិកានេះមេបញ្ជាការកងទព័ជើងទឹកកងអនុសេនាធំលេខ២ក្នុងនាមអង្គភាពទាំងមូលបានថ្លែងអំណរគុណ លោកឧកញ៉ា ទៀ វិចិត្រ ដែលបានអញ្ជើញចុះមកសួរសុខទុក្ខលើកទឹកចិត្តកងទព័ក្នុងរដូវបុណ្យភ្ជុំបិណ្ឌនេះនិងបានជូនពរគ្រប់ប្រការដល់ លោកឧកញ៉ា ទៀ វិចិត្រ និងគ្រួសាររបស់លោកឧកញ៉ាផងដែរ៕ សូមទស្សនាវីដេអូខាងក្រោម:
លោកឧកញ៉ា ទៀ វិចិត្រ បានចុះជួយទិញនំនឹងផ្លែឈើ លោកយាយម្នាក់ដែលកំពុងលក់នៅតាមផ្លូវ
លោកឧកញ៉ា ទៀ វិចិត្រ តែងតែបង្ហាញនូវសកម្មភាពក៏ដូចជាអំពើរល្អតាមរយៈការជួយទិញផលិតផលនិងសម្ភារៈនានាដែលបងប្អូនប្រជាពលរដ្ឋយើងនៅតាមទីជនបទលក់នៅតាមដងផ្លូវនានាមិនតែប៉ុណ្ណោះលោកឧកញ៉ាតែងតែជូនថវិការបន្ថែមដើម្បីជួយសម្រួលជីវភាពគ្រួសារបស់ពួកគាត់ទៀតផង។ យ៉ាងណាមិញសម្រាប់ពេលនេះ លោកឧកញ៉ា ទៀ វិចិត្រ បានជួយទិញនំនឹងផ្លែឈើលោកយាយម្នាក់អាយុ៧០ឆ្នាំទាំងអស់តែងម្តងក្នងតម្លៃ៧ម៉ឺនរៀលហើយលោកឧកញ៉ាក៏បានឧបត្ថម្ភថវិការខ្លះបន្ថែមជូនលោកយាយសំរាប់យកទៅធ្វើបុណ្យថែមទៀតផង។ ទន្ទឹមនឹងនេះលោកឧកញ៉ាក៏បានធ្វើការបង្ហោះសារតាមរយៈហ្វេសប៊ុកផេកផ្លូវការផ្ទាល់ខ្លួនដោយសរសេរលើកឡើងថា៖«ម៉ែតែងតែសប្បាយចិត្តពេលឃើញកូនជោគជ័យម៉ែតែងតែដេកភ័យពេលដឹងថាកូនជួបទុក្ខលំបាក…»៕ សូមទស្សនាវីដេអូនៅខាងក្រោម៖
លោកឧកញ៉ា ទៀ វិចិត្រ បានចុះសួរសុខទុក្ខ និងឧបត្ថម្ភជាថវិកាដល់ស្ត្រីនិងមានកូនតូចៗ កំពុងអង្គុយនៅលើរទេះតាមផ្លូវ រង់ចាំប្តីយកម៉ូតូខូចទៅធ្វើ
លោកឧកញ៉ា ទៀ វិចិត្រ ដែលលោកបានជួយដល់ជនទីទាល់ក្រចាស់ជរាលោកយាយលោកតាជនពិការនិងក្មេងៗជាច្រើនពិសេសពេលបានជួបលោកយាយលោកតាតាមដងផ្លូវគឺលោកមិនដែលរំលងនោះទេគឺលោកតែងតែចុះជួយនិងធ្វើការឧបត្ថម្ភជានិច្ច។ យ៉ាងណាមិញកាលពីពេលថ្មីៗនេះស្របពេលដែលលោកបានធ្វើដំណើរតាមផ្លូវចៃដន្យស្រាប់តែបានជួបស្រ្តីម្នាក់និងកូនតូចៗកំពុងរង់ចាំប្តីយកម៉ូតូខូចទៅធ្វើ ដោយក្តីអាណិតនិងអាសូរខ្លាំងពេកលោកឧកញ៉ាក៏បានអែបរថយន្តនៅម្ខាងផ្លូវហើយក៏ចុះសួរសុខទុក្ខនិងឧបត្ថម្ភជាថវិកា២០មុឺនរៀលដល់បងស្រីផងដែរ។ ទន្ទឹមនឹងនេះលោកក៏បានធ្វើការបង្ហោះសារតាមរយៈហ្វេសប៊ុកផេកផ្លូវការផ្ទាល់ខ្លួនដោយសរសេរលើកឡើងថា៖«នេះហើយអ្នកក្រប្រឹងត្រដររស់ យំប្រាប់អ្នកខ្ពស់ឲ្យជួយមើលផង កុំបើកភ្នែកចោលដើរហួសរំលង បើជួយបានម្តងប្រសើរជាងអត់…៚»៕ សូមទស្សនាវីដេអូនៅខាងក្រោម៖
លោក ទៀ សុខា នឹង លោកឧកញ៉ា ទៀ វិចិត្រ អញ្ជើញចុះសួរទុក្ខនឹងជួយកុមារកំព្រា នៅបុរីទារក និងកុមារជាតិ រាជធានីភ្នំពេញ
នៅថ្ងៃទី២០ ខែកញ្ញា ឆ្នាំ២០១៩ លោកទៀ សុខា ប្រធានចលនាយុវជនកម្ពុជា (ក្រុម១៥៧) សាខាខេត្តព្រះសីហនុ ចូលរួមពី លោកឧកញ៉ា ទៀ វិចិត្រ ព្រមទាំងក្រុមការងារកង់តំបន់ភ្នំអារ៉ែង ក្រុមម៉ូតូធំ BMW និងបងប្អូនសប្បុរសជនច្រើនរូបទៀត បានចុះសួរសុខទុក្ខ និងនាំយកគ្រឿងឧបភោគបរិភោគ រួមទាំងថវិកាមួយចំនួន ទៅឧបត្ថម្ភជូនក្មួយៗតូចៗដែលជាកុមារកំព្រា ពិការ គថ្លង់ និងលោកគ្រូ អ្នកគ្រូ នៅក្នុងបុរីទារក និងកុមារជាតិ ស្ថិតនៅផ្លូវដួងងៀប២ ភូមិគោកចំបក សង្កាត់ចោមចៅ ខណ្ឌដង្កោរ រាជធានីភ្នំពេញ នាដូវបុណ្យកាន់បិណ្ឌ និងភ្ជុំបិណ្ឌ ក្នុងនោះក៏បានផ្តល់ថវិកា បានមកពីសប្បុរសជននិងការឧបត្ថមរបស់លោកឧកញ៉ា…
លោកឧកញ៉ា ទៀ វិចិត្រ ឧបត្ថម្ភអូប័រចំនួន២គ្រឿង ដល់រដ្ឋបាលស្រុក ព្រៃនប់ សំរាប់ទុកជួយសង្គ្រោះពលរដ្ឋដែលរងគ្រោះដោយជំនន់ទឹកភ្លៀង
លោកឧកញ៉ា ទៀ វិចិត្រ បានឧបត្ថម្ភអូប័រចំនួន២គ្រឿងដល់រដ្ឋបាលស្រុកព្រៃនប់ សម្រាប់ប្រើប្រាស់ក្នុងមូលដ្ឋានពិសេសទុកជួយសង្គ្រោះពលរដ្ឋដែលរងគ្រោះដោយជំនន់ទឹកភ្លៀង។ ក្រោយទទួលបានជំនួយនេះ លោក សរ កក្កដា អភិបាលស្រុកព្រៃនប់ក្នុងនាមរដ្ឋបាលស្រុក នៅថ្ងៃទី២០ខែកក្កដាឆ្នាំ២០១៩ បានថ្លែងអំណរគុណយ៉ាងជ្រាលជ្រៅបំផុតដល់ លោកឧកញ៉ា ទៀ វិចិត្រ និងគ្រួសារដែលបានឧបត្ថម្ភអូប័នេះដល់រដ្ឋបាលស្រុកប្រើប្រាស់ក្នុងមូលដ្ឋាន៕